Валюта бағамы: $ 371.31 419.32 5.59 ¥ 53.83

Бейбіт атом және жаһандық қауіпсіздік

Венада өтіп жатқан Атом энергиясы жөніндегі халықаралық агенттіктің (МАГАТЭ) Бас конференциясының 62-ші сессиясында Қазақстанның ядролық қару-жарақты таратпау және атомды бейбіт мақсатта пайдалану саласындағы жетістіктері туралы айтылды.

Конференция мінберінен сөз алған қазақстандық делегацияның басшысы, энергетика министрі Қанат Бозымбаев Қазақстан Пре­зиденті Н.Назарбаевтың ядролық қаруды таратпау режимін нығайту мақсатындағы жаһандық бастамалары, Қазақстан Республикасы мен МАГАТЭ арасындағы ядролық энергияны бейбіт мақсатта пайдалану саласындағы ынтымақтастықтың даму барысы мен болашақ бағдар­лары турасында кеңінен айтып өтті.
Қазақстандық делегация құра­мын­да Энергетика министрлігі, Сыртқы істер министрлігі, «Қаз­атом­өнеркәсіп» ҰАК» АҚ, Ұлттық ядро­лық орталық және басқа да ұйым­дардың өкілдері бар.
Конференция аясында қазақ­стан­дық тарап МАГАТЭ-нің мақ­сат­­тарын жүзеге асырудағы Қазақ­станның рөліне арналған жан-жақты шара ұйымдастырды. Іс-шараға ұйымға мүше мемлекеттер делегацияларының басшылары қатысып, ядролық қаруды таратпау, ядролық энергияны бейбіт мақсатта пайдалану және жаһандық ядролық қауіпсіздікті нығайту жөніндегі Қазақстанның күш-жігеріне жоғары баға берді.
Сонымен қатар Қазақстан делега­циясының басшысы Сауд Арабиясы корольдігінің Энергетика және өнеркәсіп министрімен, Сауд Арабиясы королі Абдалла атындағы Атомдық және жаңартылатын энергия жөніндегі академия­лық қалашықтың Президентімен, Қытайдың Атом энергиясы жө­ніндегі агенттігі төр­ағасымен, Үн­дістанның Атом энер­гиясы жөнін­дегі комиссиясы төр­ағасымен, Украина­ның энергетика және көмір өнеркәсібі министрінің бірінші орынбасарымен және «Росатом» мемлекеттік атом энергетикалық корпорациясының Бас директорымен екіжақты кездесулер өткізді.
МАГАТЭ Бас конференция­сы­ның жұмысы 21 қыркүйекке дейін жал­ғасады. Осы іс-шара барысында 140-тан астам мүше мемлекеттердің деле­гациялары МАГАТЭ-нің ядролық қауіпсіздік туралы есебі мен жыл сайынғы баяндамасын, сондай-ақ агенттіктің есебін, бағдарламалары мен бюджетін қарайды.
Бас конференция жұмысының барысында ядролық энергети­каны дамыту перспективалары, ядролық және радиациялық қауіп­сіздік саласында­ғы халық­аралық ынтымақтастықты ны­ғай­ту, ядролық энергетиканы және ядролық технологияны бейбіт мақсатта пайдалану және оларды қолдану, техникалық ынты­мақтастық, кепілдіктердің тиім­ділігі мен оны арттыру мәсе­лелері талқыланады.
Айта кетейік, Атом энергиясы жөніндегі халықаралық агенттік 1957 жылы құрылған болатын. Қазақстан 1994 жылғы 14 ақпанда МАГАТЭ-нің 121-ші мүшесі атанды.

БЕКЕТ КӨКЕНАЙҰЛЫ


Оқи отырыңыз

Пікір қалдыру

Пікір қалдыру