Валюта бағамы: $ 335.24 395.82 5.82 ¥ 50.65

Еуразиялық одақтағы Қазақстан: еңселі елден – мәңгілік елге

2014 жыл бүкіл дүниежүзі үшін сан қилы оқиғаларға толы кезең болды. Ойласарлығы сол, Солтүстік Африка мен Таяу Шығыс және басқа аймақтарда қанды текетірес ушыға түссе, әлемнің алыбы АҚШ мемлекетінде билікке қарсы азаматтық ереуілдер дәстүрге айналғандай бір іс болса, әлемнің ауқымды бір бөлігінде қаржы экономикалық дағдарыс шиеленісе түссе, біздің Қазақстан үшін бұл тек ырғақты даму және болуы мүмкін қатерлерге алдын ала дайындалу шараларын жүзеге асырған жемісті уақытқа айналды. Мемлекетіміздің экономикалық жыл қорытындысы әлі нақтыланған жоқ.

Солай бола тұрса да біз болмыстан жыл ұзағына көз үзбей қарап отыратын ғалымдар ретінде бұл жылғы даму көрсеткішіміз 5 пайызды алқымдап қалады, деген сөзді сеніммен айта аламыз. Іргедегі алып көршіміз Ресей Федерациясы сыртқы әсерлердің салдарынан өсім ала алмайды, деген болжам бар. Демек, Қазақстан – қазірдің өзінде дүниежүзі бойынша экономиканың қалыпты дамуын сақтай алған санаулы мемлекеттердің бірі. Орайы келгенде айта кетейік, бұл жылы біздің негізгі экспорттық өніміміз – мұнай бағасы айтарлықтай түскен кезең болды. Бұл Ресейге үлкен кері әсер еткенімен, Қазақстанға алаңдайтындай жағдай болған жоқ. Тіпті таяуда Парламент мүшелері алдында есеп берген экономика министрі Ерболат Досаев «Бюджетке түзету енгізбейміз» дегенді нық сеніммен айтты.
Оның бұлай сенімді сөйлеуінің жөні бар. Біздің бюджет «мұнай долларынсыз» жасақталады. Ал мұнай сатқаннан түсетін кіріс бір­ден Ұлттық қорға құйылады. Елбасымыздың осындай көрегендік ұстанымының нәтижесінде Ұлттық қорымызда Ұлттық банктің сақтық қорын қоса есептегенде 105 миллиард доллардай алтын-валюталық қазына жинақталған екен. Сондықтан да Ресей басшылығы бұл күндері бюджеттік міндетті төлемдерді қалай төлейміз, деп бас қатырып жүрсе, біздің басшылық оған алаңдамайды. Тіпті 2015 жылға ұланғайыр жоспар белгілеп қойдық. Ол жоспар Қазақстан Республикасының Президенті Нұрсұлтан Әбішұлы Назарбаевтың дәстүрлі Қазақстан халқына Жолдауында баяндалған «Нұрлы жол – болашаққа бастар жол» бағдарламасында баяндалған отандық жол-коммуникация же­лілерін, электр өндірісін, тұрғын үй құрылысын қарқынды дамытуды көздеп, бүкіл Қазақстанды екпінді еңбек майданына айналдырмақ. Бұл жоспар жүзеге асқан кезде Қазақстанда «жұмыссыздық» деген сөздің өзі келмеске кететін шығар. Өйткені осы бір ауқымды іс нәтижесі халық игілігіне айналған кезде жүздеген мың жаңа жұмыс орындары ашылып, Қазақстанның болмыс-бітімі танымастай өзгеріп шығады. Салынатын жолдар халықаралық транзиттік тасымал арнасына қызмет ететін «Ұлы Жібек жолының» бір буыны болатындықтан да мұнда сол жолдың бойындағы логистика мен қызмет көрсету инфрақұрылымдарының өзі халықаралық қалып деңгейінде болатындықтан өмірімізге бұған дейін мүлде болмаған жаңа мамандықтар енеді. Ал олардың алатын жалақысы сол жаңа атауына сай болатынына сенімдіміз.

Қысқасы, Қазақстан 2014 жылды ойдағыдай қорытындылай отырып, өзінің әлемдегі еңселі елдердің бірі екенін іс жүзінде дәлелдеп шықты. Қазақстанның осындай мол мүмкіндігін жіті қадағалап отырған әлем саясаткерлері мен қалталы тобы бізге деген ықыласын бұрынғыдан да ерекше таныта бастады. Мұны 2014 жылдың соңғы кезеңіндегі жаңалықтардан-ақ айқын аңғаруға болады. Қазақстанда ресми сапармен болып қайтқан Өзбекстан президенті Ислам Каримов: «Бұл келісімшартқа былтыр қол қою керек еді. Осыған қарап сіз, Нұрсұлтан Әбішұлы дана болып жаратылған тұлға екендігіңізді көргендей болдым», – деп салды. Бұдан кейін «өз аяғымен» елімізге келген Франция президенті Франсуа Олланд Қазақстанның бұл аймақтағы іргелі ел екенін ашықтан ашық мәлімдеді. Сөйтіп, өзімен ере келген кәсіпкерлер біздің елге 500 миллион доллар көлемінде инвестиция құятын келісімшарт жасаумен сапарын қорытындылады. Бұдан кейін Астанаға Шанхай ынтымақтастық ұйымының үкімет басшылары жиналғаны баршаға белгілі. Осы жиынға қатысуға келген Қытай Халық Республикасының үкімет басшысы Қазақстанға құйылатын 15 миллиард долларлық инвестициялық келісімшарт жасасып қайтты. Бұрын біздің басшыларымыз әлемді шарлап инвестиция іздегенін білеміз. Ал қазір инвестиция Қазақстанға «өз аяғымен» келетін болды. Мұның сыры неде? 
Осынау сұрақ төңірегінде зерттеулер жүргізгенде бір ақиқатқа тап болғандаймын, ол – Еуразиялық интеграция жайлы 1994 жылдың өзінде ұсыныс жасаған біздің Көшбасшымыз Нұрсұлтан Әбішұлы Назарбаевтың көрегендігі. 2015 жылдан бастап жұмыс істей бастайтын Еуразиялық экономикалық одақ ақиқатында Ресейдің келмеске кеткен КСРО державасын тірілту саясатының жемісі емес, жүзеге асқан Қазақстан Көшбасшысының өміршең ұсынысы екенін солтүстік көршіміздің президенті Владимир Путиннің өзі әлем алдында мойындады. Иә, Еуразиялық экономикалық одақ Қазақстан Елбасының төлтумасы. Оған дау жоқ. Ал бұл тұстағы Н.Ә.Назарбаевтың көрегендігі неден байқалды? Енді осы сұраққа жауап берейік. 
Біріншіден, Қазақстанның экономикалық қуаты ұдайы өсетіні белгілі. Демек, ұдайы өсетін тауарлы өндірісті қамтамасыз ететіндей базар, рынок қажет. Сондықтан да Еуразиялық экономикалық одақ Қазақстан үшін интеграциялық ынтымақтастық қана емес, сонымен бірге алып базар да. Кедендік одақ кезінде үш елдің тауар айналымы шамамен 50 пайызға өскен екен. Бұл кімді де болса қызықтыратын көрсеткіш. 
Екіншіден, әзірге Қазақстан экономикасының негізі – шикізат. Қосымша құны жоқ осынау тауарлы өндіріс тасымал шығынын азайтқанда ғана тиімді болмақ. Демек, Еуразиялық экономикалық одақ арқылы біз тасымал шығынын азайтқан, іргедегі алып базарға қол жеткіздік. 

05-897
Үшіншіден, Қазақстан индустрия жағынан мешеу, КСРО державасының аграрлық шикізаттық аймағы болып келгені ақиқат. Ал капитализмге дендеп енген кез келген ел үшін шикізатқа тәуелділіктен құтылып, қосымша құны мол тауарлы өндіріс жасайтын индустрия керек. Міне, осы индустрияны жасау мақсатында біз «индустриялық-инновациялық бағдарлама» қабылдаған елміз. Осы бағдарлама бойынша бұл күндері біздің елімізде талай-талай дамыған елдердің кәсіпкерлері өз филиалдарын ашқан. Ресей Федерациясы, қалай десек те, бізге қарағанда ғылымы мен индустриясы әлдеқайда озық еді. Міне, осындай жағдайда олар біздің елде өз филиалдарын ашып жатса, Қазақстанға керегі сол емес пе? Айталық, қазіргі таңда елімізде ауыл шаруашылығына қажетті толып жатқан техника түрлері шығатын болды. Оны бұрын Белоруссия мен Ресейден импорттап, толып жатқан валюталық шығын жасайтынбыз. 
Төртіншіден, Нұрсұлтан Әбішұлының көрегендігі нәтижесінде біз салық мөлшерін азайта алған посткеңестік аумақтағы бірден бір елміз. Айталық, дәл бүгінгі таңда біздің салықтық жүктемеміз Ресейге қарағанда 6 пайызға, Белоруссияға қарағанда 9 пайызға жеңіл екен. Индустриялық-инновациялық бағдарламамыз бойынша жұмыс істеп өз филиалдарын ашқысы келген шетелдік инвесторлар үшін қай ел тиімді десек, әрине, ол Қазақстанды таңдар еді. Байлар үшін 6 пайыздық жеңілдік зор маңызға ие. Міне, осы жағынан алғанда соңғы жылдары алыс шетелді былай қойғанда, Еуразиялық экономикалық одаққа мүше қалған екі әріптес мемлекеттің кәсіпорындары Қазақстанда өз өндірістерін ашып жатса, бұл біздің осы тұстағы нақты жеңісіміз. Бұл да Ұлт Көшбасшысы Нұрсұлтан Әбішұлы Назарбаев көрегендігінің нақты дәлелі. 
Бесіншіден, бұл күндері Еуразиялық экономикалық одаққа қызығушылар саны уақыт озған сайын өсе түскендей. Армения одаққа мүше болып енді. Қырғызстан жаз ортасына дейін мүшелікке өтетін болды. Бұлардың сыртында Вьетнам, Түркия, Израиль, Үндістан және басқа елдер қызығушылық танытуда. Олардың бәрі де Қазақстанда өз өндірістерін ашуға шешім қабылдары алдағы уақыттың еншісінде. Бірақ бұл бәрібір жүзеге асатын істер. Өйткені Қазақстан алып базардың белсенді бір ойыншысы ғана емес, сонымен қатар әрі салықтық жүктемесі мейлінше аз, әрі халқы 100 пайыз сауатты, әрі шикізат қоры мейлінше мол, ақыр аяғында «Ұлы Жібек жолының» өзегінде жатқан халықаралық транзиттік тасымалдың бір буыны. Қазақстан арқылы Еуропаға да, Таяу Шығысқа да, Азияға да еркін шығуға болады. Осының өзі-ақ біздің мол мүмкіндігімізді мейлінше тиімді пайдаланудың бір жолы – Еуразиялық экономикалық одақ екенін дәлелдеп тұрғандай. 
Біз барлық мүмкіндік пен ақиқатты ғылыми сараптан өткізе отырып мынадай қорытынды жасадық: Қазақстан Көшбасшысы Еуразиялық-экономикалық одақ арқылы еңселі елін «Мәңгілік елге» айналдыруды о бастан-ақ жоспарлаған. Иә, Нұрсұлтан Әбішұлы мейлінше қысқа мерзімде елін гиперинфляция мен алапат рецессиядан аман алып шығып, қарқынды даму арнасына салып, нәтижесінде Қазақстанды әлемдегі ең еңселі елдердің біріне айналдырды. 1997 жылы біз дүниежүзіндегі алдыңғы қатарлы 50 елдің сапында болсақ, деп армандап, жоспар жасадық. Ол бағдарламаны мейлінше қысқа мерзімде ойдағыдай қорытындыладық. Содан соң Елбасымыз барлық мүмкіндік пен әлемдегі қалыптасқан жағдайды ой сарабынан өткізген жаңа бағдарламаны ұсынды. Ол бойынша 2050 жылға қарай Қазақстан дүниежүзінің алдыңғы қатарлы 30 елінің сапында болуға тиіс. «2050 Стратегиясын» ғылыми сараптан өткізген кез келген адам осынау ауқымды бағдарламаның сөзсіз орындалатынына толық сенеді. Біз бұл жайлы ойымызды «Егемен Қазақстан» газетінде бұған дейін де жазғанымызды оқырман білуге тиіс. Енді оған тоқталып жатудың қажеті жоқ. Тек айтарымыз, «2050 Стратегиясы» – елін осынау алып іске алдын ала жан жақты дайындап алған Көшбасшының ғылыми негізді жоспары. Бұл үшін бізде адам ресурсы, қаражат қоры, шикізат молшылығы ғана емес, сонымен бірге салықтық жеңілдіктеріміз арқылы өзіміз басты ойыншысы болып саналатын 170 миллион тұтынушысы бар алып базар да игі қадамымызға демеушідей қолдау жасайтын тұстар болып шығады. 
Қорыта айтқанда, біреулер үшін 2014 жыл «бас қайғы» кезеңі болса, Қазақстан Республикасы үшін алдағы қарқынды дамуға жан жақты негіз қалаған өміріміздегі ең ұтымды уақыттардың бірі болғаны даусыз. Қазақстан «Нұрлы жол» бағдарламасын дер кезінде қабылдағаны соншалық оған үлес қосуға әлемнің түкпір-түкпірі ынта білдіруде. Бұл жолда олар тіпті біздің Ресей Федерациясымен Еуразия­лық экономикалық одақтағы әріптес екенімізге де көңіл аудармағандай. Яғни, Қазақстанға толық сенетінін әлем дүрліккен мына кездің өзінде айқын ісімен дәлелдеу үстінде. Ал Қазақстан болса өзінің көптарапты бейбіт саясаты негізінде алға жылжи береді. 
Сөз соңында айтарымыз, ұлттық валютамыз теңге өзінің әлемдегі ең сенімді құнды қағаз екенін өмір ақиқатында дәлелдеп шықты. Соңғы кездері Қытаймен және басқа елдермен ұлттық валюта бойынша экспорт импорт айналымында есеп айырысуға келістік. Ал Еуразиялық экономикалық одақтың даму банкі де өзінің инвестициялық қоржынында 30 пайыз рубльді, 10 пайыз теңгені ұстайтынын заңдастырды. Қалған 60 пайызы халықаралық валюталар бойынша есептеледі. Демек, теңге халық­ара­лық кеңістікке шыққан валюта, деп батыл айта аламыз. 
Сонымен, 2014 жыл тарих қойнауына енеді. Біз бұл кезеңге ризашылық сезіммен қарап, жаңа 2015 жылдың табалдырығынан болашаққа деген зор сеніммен аттайтын боламыз. Алла алдымыздан жарылқағай.


Сағындық САТЫБАЛДИН, 
ҚР ҰҒА академигі, 
экономика ғылымдарының докторы, 
әл-Фараби атындағы Қазақ ұлттық университетінің профессоры


Оқи отырыңыз

Пікір(1)

  • Rustem
    30.01.2015 at 9:12 am

    Ардақты ағайын!
    Бүгін біздің елімізде, барлық қалалар мен ауылдарда ұлы той, біз ұмытылмас тарихи күнді атап өтіп жатырмыз – туған Қазақстанымыздың Тәуелсіздігінің жиырма үш жылдығы.
    Екі онжылдық бұрын мемлекеттік егемендік туралы декларацияны қабылдай отырып, біз тарихи дамуымыздың жаңа белесі – нарықтық экономикаға әлеуметтік бағытталған, халқымыздың сан ғасыр аңсаған еркін және тәуелсіз өмір сүретін, ашық демократиялық мемлекет құруға қадам бастық.
    Құрметті отандастарым, сіздерді осынау барлығымыз үшін ең ұлы, ең қымбат мерекемен құттықтау және қошеметімді көрсету үлкен рахат сыйлайды.
    Жылдар тізбегі, тұтас дәуірлер өтер, бірақ бесмыңжылдық тарихында талайды басынан өткерген халқымыз үшін өміріміз бен санамызды өзгерткен Қазақстан тәуелсіздігі ел тарихында үлкен масштабты оқиға ретінде қалады және ешқашан өзіндік құндылығы мен мәнділігін жоғалтпайды.
    Құрметті достар!
    Құдай берген осы сыйдың, яғни Мемлекеттік тәуелсіздіктің арқасында бізде мыңдаған жылдардан кейін ұлттық түпнұсқалылығымызды, тарихымызды, тілімізді, мәдениетімізді, ұлттық дәстүрлер мен құндылықтарымызды, жалпы, өзіміздің ұлттық болмысымызды өте маңызды миссияны орындау мақсатында, яғни, демократиялық, құқықтық, зайырлы, тәуелсіз және еркін мемлекеттің жаңа қоғамын құру, бүгінгі және келер ұрпақтың бақытты өмірін құру мақсатында жандандырдық.
    Міне, егемен Қазақстанның тәуелсіздік арқасында өз тағдырын құрып жатқанына, өміріміздің жаңа мән-мағынаға ие болғанына, күн сайын пәтер-үйлеріміздің, қалаларымыздың, ауылдарымыздың тыныштығы ұлғайып келе жатқанына 23 жыл. Жасыл қырларымыз бен тауларымыздың тамаша шыңдары тәелсіздік сәулесімен нұрланып тұр.
    Бүгін, еркін мемлекеттің негізгі атрибуты, намыстың, отаншылдықтың нышаны, жайлы өмір кепілі, күнделікті өміріміздің күш-қуаты саналатын тәуелсіздіктің ең асыл және қымбат сый екенін Қазақстанның айтулы да намысшыл халқы терең түсінеді.
    Сондықтан, қуана да мақтана, шын жүректен тәуелсіз және егемен Отанымыздың тұрғындарын, әлемдегі бар қазақты осы айтулы да асыл мерекемен құттықтай отырып, тәуелсіз мемлекетіміздің жұлдызы әрқашан жарқырай берсін деп тілеймін.
    Еркіндіксүйгіш бабаларымыздың мемлекет пен мемлекеттілікке ие болудың сан ғасырлық үміттер мен армандарының бітпес күрестер нәтижесінде орындалып, сіз бен біздің бүгінде тәуелсіз ұлттық еліміздің бар екеніне қуануымыз қажет.
    Бабаларымыздың еркіндік пен тәуелсіздікке бағытталған барлық талпыныстары мен үміттерінің ұрпақтан ұрпаққа берілуі мәңгілік құнды тарихи, мәдени дәстүрлерімізге, тілімізге және әдебиетімізге ие болуға себепкер болды. Біз 21 ғасырдың басында өмір сүріп жатырмыз, ұлтымыздың ең асыл және ең жоғары жетістігі – бостандық пен тәуелсіздік екенін ұмытпауымыз керек және еркіндіксүйгіш және отаншыл бабалар кітабының атаулы беттері мыңдаған ержүрек отаншылдардың қанымен жазылған.
    Қазақстан тәуелсіздігінің 20 жылдық кезеңі ежелгі тарихымыздың тереңінен басталады және әрқашан оның қуатымен нәрленеді.
    Тәуелсіздік пен ұлттық бірлік халқымыз бен мемлекетімізге ұлы күш берді, саяси, экономикалық және әлеуметтік өмірдің дамуына игі жағдайлар жасады. Біз бүгін Қазақстанның қысқа уақытта егеменді ел болғанын нық сеніммен айта аламыз.
    Тәуелсіздік Қазақстанды әлемдік қауымдастыққа, ал әлемдік қауымдастықты Қазақстанға жақындатты. Салмақты және жан жақты қазіргі саясат пен өзара тиімді серіктестіктің кеңеюі Қазақстанның әлемдік аренадағы мәртебесі мен бейнесін асқақтатты.
    Қазақстанның көптеген мемлекеттермен, беделді әлемік ұйымдармен және қаржы институттарымен өзара тиімді серіктестігі әлемдік аренадағы тәуелсіз мемлекетіміздің мәртебесінің жоғарылауының берік негізін қалады.
    Қазақстан Республикасының өмірге келуі — біздің көпғасырлық арманымызды іске асыра алатындығымыздың анық дәлелі. Тәуелсіздігімізді жариялау да – біздің алдымызға ең үлкен және қиын мақсаттарды қоя алатындығымыздың және оларды шеше алатындығымыздың дәлелі. Осы күштің тамырлары ғасырлар тереңінен жайылды. Біз өз күшімізге, біріккен талпыныстарымызға, ішкі келісімге, өзара сыйластыққа, кеңпейілділікке сенгенде, осы күштің ағашы гүлдеп, әрқашан жемісін береді.
    23 жылда біз үлкен жолды жүріп өттік – тәуелсіздік жолы, егемендік жолы, еркіндік жолы. Тәуелсіз Қазақстан мәңгілік өмір сүретін болады. Осындай 20 жылдықтар 1120, 3220, 5520 жылдық болып жалғаса береді. Біздің тәуелсіз мемлекетіміз мәңгілік өмір сүреді. Қазақстанның қандай негізде басқарылатыны бізге байланысты. Бүгін қаланған негіздер – тәуелсіздік, егемендік, демократия, мықты экономика, әлеуметтік әділеттілік принциптері – мемлекеттіліктің негіздері болып саналады.Мықты ұлттық идеология, ұлттық рух, ұлттық құндылық – бізге жол көрсететін принциптер. Көп нәрсе бізге байланысты. Тәуелсіз, еркін болу – бұл үлкен бақыт. Алдыңғы ұрпақтар ғасырлар бойы тәуелсіздікті армандап өмір сүрді және өмірден өтті. Оларға осы тәуелсіздікті көру бақыты бұйырмады. Біз, біздің ұрпақ – бақыттымыз. Біз тәуелсіздікті көріп қана қоймай, оны нығайтып жатырмыз. Тәуелсіз мемлекет Қазақстанды алға жетелейміз. Бүгінгі Қазақстан халқымыздың еңбегі мен таланты арқылы қалыптасты. Барлығы бізге байланысты. Әр азамат, Отанын сүйетін әр адам өзінің еңбегі мен кәсіптілігі арқылы туған мемлекетін нығайтуға тырысуы қажет.
    Қазақстан – барлығымыздың, ата-анамыз бен бабаларымыздың армандары елі, балаларымыз бен немерелеріміздің үйі; және осы елдің негіздерін біз нығайтамыз. Қазақстан шын көңілден барлық балаларын сүйеді және оларды бөлмейді.
    Біздің шындыққа айналған арманымызға жиырма жыл. Бүгін еркін де тәуелсіз Қазақстанға жиырма жыл. Бүгін қазақ үшін бұдан асқан абырой мен масаттану жоқ.
    Біз жаңа мемлекет құрып жатырмыз. Мықты дәстүрлерге, мықты құндылықтарға, ұлттық-рухани құндылықтарға негізделген мемлекетті сәтті құрып жатырмыз. Осы 23 жылдар барысында қазақ халқы азаматтық тілектестікті көрсетті. Осы жылдары қазақ халқы өзінің қаншалықты ұлы екенін көрсетті. 23 жылда біз көптеген табыстарға жеттік. Осы табыстарды ұлғайтатынымызға сенімдімін, еліміздің жан жақты дамуы үшін еңбек етеміз, одан әрі күшті және тамаша ел құрамыз. Осы істе барлықтарыңызға табыс тілеймін.
    Бүгінде біз бар даусымызбен еш қобалжусыз тәуелсіздік жолында кездескен талай қиындықтар мен кедергілерді бастан кешірсек те, елге қанша қауіп-қатер төнсе де тәуелсіздік идеясына адал болдық, Қазақстанның құндылықтарын бәрінен жоғары қойдық, таңдаған жолымыздан таймадық және таймаймыз да.
    Жаңа өміріміздің құрылысының алғашқы күнінен бастап шынайы еркіндік пен дербестікке қол жеткізу – ол тәуелсіздікке ие болу ғана емес, оның қалыптасуы, саяси және экономикалық тұрғыдан нығаюы, әлемде лайықты орын мен құрметке ие болуы болып табылады.
    Осындай игі мақсаттардың орындалу жолдары барлығымызға айқын – ол көпті көрген батыр да еңбекқор халқымыздың барлық табиғи ресурстарын, бай өндірістік және зияткерлік әлеуетін, ақылы мен күшінің арқасында әлемдік қауымдастықпен серіктестікке арқа сүйей отырып дамыған демократиялық мемлекеттер тізіміне ену.
    Халқымыздың өмір сүру деңгейі мен сапасын арттыру жолындағы басты басымдылық – ел өмірінің барлық салаларындағы демократиялық жаңарудың, либерализацияның және модернизацияның жүйелі жылдамдауы.

    Қадірлі отандастар!
    Отан жетістігіннің негізі неде деген сұрақа әрқайсымыз ол ең алдымен Тәуелсіздік, халқымыздың күнделікті жанкешті еңбегі, адамдар санасы мен ойлауы, олардың ертеңгі күнге сенімі, игі армандары мен талпыныстары деп мақтанышпен және сеніммен жауап береміз.
    Осы игі жерде өмір сүріп жатқан отандастарымыздың бүгінде бастарын тік ұстап Отанымыздың қол жеткізген табыстары мен шекараларында оның да еңбегі мен лайықты үлесінің бар екендігін айтуға құқығы бар.
    Осы жоғары мінберден бізге әрқашан қатысты және бізбен қатынасатын, көмектесетін шетелдік достарымыз бен серіктестерімізге, серіктес елдер мен халықтарға үлкен алғыс, бақыт пен гүлдену сияқты игі тілектерімді жеткізуге рұқсат етіңіздер.

    Құрметті қауым!
    Жеткен жетістіктеріміз жайлы, тәуелсіздіктің арқасында алдымызда ашылған жаңа көкжиектер мен мол мүмкіндіктер жайлы көп нәрсе айтуға болады. Тәуелсіз Отанымыздың шежіресінде мәңгілікке жазылатын ұлы жетістіктеріміздің ішінде өлшенбейтіні және құндысы – ол үйлесімді және жан жақты дамыған, еркін, отаншыл, талантты және креативті, физикалық және рухани сау, жаңа білімдер мен мамандықтарға ие, дербес ойлай алатын, өміріміздің шешуші күші саналатын, ең бастысы, елінің болашағы үшін жауапты жас ұрпағымыз.
    Дәл соларға, еліміздің албырт та күшті бозбалалары мен бойжеткендеріне айтарым: жаратқанымыздың нәсіп еткен керемет те қайталанбас Қазақстан сияқты жерінде туу және өмір сүру бақыты барлығына бұйырмаған. Менің ең басты тілегім — осы өмірлік маңызды шындықтың жандарыңыз бен жүректеріңіздің тереңіне бойлауы. Әрқашан туған жерге деген махаббат пен адалдық сезімдеріңіз болсын.
    Біздің киелі парызымыз бен ізетіміз – талай қиын кезеңдерді, сынақтарды бастан кешіп, атамекен бостандығы үшін өздерін құрбан еткен, атамекенді келер ұрпаққа сақтап қалған бабаларымызға, әкелерімізге деген құрмет.
    Әрқайсымыздың құрметті міндетіміз – өзімізді, қажет болса өмірімізді құрметті Отанымызға, оның игілігі мен ұлы болашағына арнау деп айтсам, қателеспеймін деп санаймын.
    Құрметті достар, қадірменді отандастар!
    Сіздерді ойша құша отырып, шын жүректен тағы да мерекелеріңізбен құттықтаймын және денсаулық, бақыт, табыс, отбасыларыңызға молшылық және игілік тілеймін.
    Қасиетті және тамаша Отанымыз мәңгілік жасасын!
    Елімізде әрқашан бейбітшілік пен ашық аспан орнасын!
    Тәуелсіздігіміз мәңгілік болсын!

Пікір қалдыру

Пікір қалдыру
X